السر في التجهيز المسبق (Meal Prep)
لو بتشتكي من ضيق الوقت ووقفة المطبخ الطويلة، تفريز الأكل وتجهيزه يوم الإجازة هو الحل السحري اللي هيخليكي تطبخي الغدا في ربع ساعة بس.
أهم تفريزات الأسبوع
- عصاج اللحمة المفرومة: عصجي كيلو لحمة وقسميه في أكياس، ينفعك في مكرونة بشاميل، رقاق، مسقعة، سمبوسك في أي وقت.
- تتبيل الفراخ والبانيه: هاتي الفراخ وتبليها بالبصل والبهارات، وتبلي البانيه وشيليه جاهز في الفريزر على القلي أو الشوي مباشرة.
- صلصة الطماطم (التسبيكة): سبكي طماطم بكمية كبيرة وشيليها في أكياس، هتخلي أي طبيخ مياخدش معاكي دقايق.
- تقطيع الخضار: قطعي البصل والثوم والخضار وشيليه في علب في التلاجة لاستخدام الأسبوع.
نظمي تفريزاتك بذكاء
استخدمي تطبيق منيو البيت عشان تعملي منيو الأسبوع، ومنه هتعرفي إنتي محتاجة تفرزي إيه بالظبط يوم الإجازة عشان ترتاحي باقي الأسبوع تماماً.
